ԻՆՉՔԱ՞Ն ՄԵԾ Է ՁԵՐ EXCEL SHEET-Ը

Աշխատանքային թերթի՝ շիթի տողերի քանակը բազմապատկելով սյուների քանակով (1048576 x 16384)՝ կստանանք 17 մլրդ 179 մլն 869 հազար 184 վանդակ մեծությունը: Բնականաբար, սա միայն մեկ շիթի մեծությունն է, իսկ ֆայլում, սովորաբար, առկա են մի քանի շիթեր:

Եթե էկրանի լուծողականությունը 1600 x 1200 պիքսել է, իսկ տողերի բարձրությունն ու սյուների լայնությունը տրված են լռելյան կանոնով /by default/, էկրանին միաժամանակ կարող են երևալ 24 սյուն և 49 տող /1176 վանդակ/, ինչը շիթի բոլոր վանդակների 0.000068% է: Այլ խոսքերով՝ մեկ շիթի ինֆորմացիան կզբաղեցնի 14.6 մլն էկրան:

Եթե շիթի յուրաքանչյուր վանդակում մուտք է արված մեկական թիվ, իսկ օգտվողը դիտում է 1 վանդակ / 1 վայրկյան արագությամբ կլիպ, նրանից կպահանջվի 500 տարի դիտումն ավարտելու համար: Բոլոր վանդակները տպելու համար կպահանջվի 36 միլիոն A4 ֆորմատի թերթ, որոնք, իրար վրա դնելով, կստանանք 4 կմ բարձրությամբ սյուն:

Հարգանքով` Մայիս Մարգարյան

Մեր նախագծի մյուս ռեսուրսներն են`

ՖԲ էջ` Excel-ի դասընթացներ
ՖԲ խումբ` “Excelist” ակումբ
Youtube ալիք` MS EXCEL — ONLINE LESSONS