EXCEL ՖԱՅԼԵՐԻ 3 ՖՈՐՄԱՏՆԵՐԻ ՄԱՍԻՆ

Հաշվի առնելով, որ Excel 2007-ից սկսած Excel-ի ֆայլերը հանդիսանում են արխիվ ֆայլեր (վերջինիս առավել մանրամասն կանրադառնանք մեր հետագա հրապարակումներում)՝ անհրաժեշտություն է առաջացել ներդնել ֆայլի պահպանման նոր ֆորմատներ: Մասնավորապես, տվյալ նյութում կանրադառնանք ֆայլի պահպանման ֆորմատների ցանկում ներկայացված առաջին 3 տիպերին՝ xlsx, xlsm, xlsb:

• XLSX ֆորմատը (ի տարբերություն Excel 2003-ի xls ֆորմատի) նախատեսված չէ Macro-ների պահպանման համար:
• XLSM ֆորմատը ներդրվել Macro-ների հետ աշխատելու և վերջիններս ֆայլում պահպանելու համար:
• XLSB ֆորմատը ներդրվել է Excel-ի 2007 տարբերակից սկսած և, հաշվի առնելով, որ տվյալ ֆորմատի ֆայլերն իրենց բնույթով հանդիսանում են երկմակարդակ (Excel Binary Workbook), ունեն հետևյալ առանձնահատկությունները՝

Հիմնական առավելությունները՝

1. Տվյալ ֆորմատով ֆայլերի պահպանման դեպքում ֆայլերի ծավալը միջին հաշվով կրկնակի փոքրանում է:

2. Ֆայլերը բացելու և Save անելու արագագործությունը միջին հաշվով կրկնակի արագանում է:

3. Նախատեսված է Macro-ների հետ աշխատելու և վերջիններս ֆայլում պահպանելու համար:

Հիմնական թերությունները՝

1. Excel-ով աշխատողներից շատերի համար տվյալ ֆորմատը խորթ է և շփոթմունքի պատճառ է հանդիսանում:

2. Առաջացնում է անորոշություն Ֆայլում Macro-ների առկայության կամ բացակայության մասով: Տվյալ անորոշությունն առավել արդիական է դառնում ոչ վստահելի կայքերից վտանգավոր (վնասակար) Macro-ներ պարունակող ֆայլերի բեռնման և բացման դեպքում:

3. Տվյալ ֆորմատը նախատեսված չէ Web հարթակում աշխատելու համար ( Cloud, OpenOffice և այլն):

Առավել տարածված սխալ առասպելները՝

1. XLSB ֆորմատով ֆայլերի ժամանակ ֆորմուլաներն ավելի արագ են աշխատում, քան XLSX և XLSM ֆորմատների դեպքում: Ֆորմուլաների հաշվարկման արագագործության տեսանկյունից որևէ տարբերություն չկա, այնուամենայնիվ կարևոր ենք համարում նշել, որ նկատելի է էական տարբերություն ֆայլը Save անելու արագության մասով:

2. XLSB ֆորմատով ֆայլերն ավելի հաճախ են խնդիրներ առաջացնում (Crash, փչանում): Ֆայլի XLSB ֆորմատ լինելը որևէ կերպ չի նպաստում ֆայլի առավել հաճախ փչանալուն: Սակայն, հաշվի առնելով XLSB ֆորմատի առանձնահատկությունը, եթե ֆայլի հետ կապված որևէ խնդիր է առաջանում (Crash, փչանում է), ապա ֆայլի վերականգնումը կարող է ավելի դժվար լինել (Recover) :

Հարգանքով` Արման Հարությունյան

Մեր նախագծի մյուս ռեսուրսներն են`

ՖԲ էջ` Excel-ի դասընթացներ
ՖԲ խումբ` “Excelist” ակումբ
Youtube ալիք` MS EXCEL — ONLINE LESSONS