Ի՞նչու է MS Excel-ը կարևոր բիզնեսի համար

• Աշխատանքների ավտոմատացում

Այս ծրագիրը, ունենալով աշխատանքների ավտոմատացման բազմաթիվ գործիքներ, նպաստում է բազմաթիվ պրոցեսների արագացմանը, արդյունավետության բարձրացմանը և մեխանիկական սխալների ռիսկի կտրուկ նվազմանը: Իսկ մակրոսների կիրառությունն /ծրագրավորում Excel-ի մեջ, նոր գործիքների ստեղծում/, ընդհանրապես, թույլ է տալիս պրոցեսների ավտոմատացմանը հաղորդել ցանկացած ուղղություն: Վստահաբար կարելի է ասել, որ MS Excel-ի արդյունավետ կիրառումը հանգեցնում է բիզնես-պրոցեսների որակի և արդյունավետության բարձրացմանը, ժամանակի և ֆինանսական ծախսերի կրճատմանը:

• Աշխատանքի պլանավորում

Ծրագրերի ղեկավարների աշխատանքի կարևոր մասերից է թիմի անդամներին հանձնարարություններ տալը: Հանձնարարությունը պետք է այնպես կատարել, որ ծրագրի իրականացման ժամկետները չշեղվեն և ծրագիրը հաջողությամբ իրագործվի: Այդ իսկ պատճառով ղեկավարները օգտվում են MS Excel-ի Scheduling հատկությունից: Այս ժամանակացույցերը կարող են լինել գունավորված և նախագծված այնպես, որ ավտոմատ կերպով թարմացվեն, եթե ժամանակացույցի խնդիրների և գործողությունների փոփոխություն արձանագրվի:

• Հիմնական ֆինանսական հաշվապահություն

Փոքր և միջին կազմակերպությունները օգտվում են MS Excel աղյուսակների ծրագրից իրենց հաշվապահական գործունեությունն իրականցնելու նպատակով: Նրանք կարող են ստեղծել հիմնական հաշվապահական ծրագիր կամ վճարումների գրանցամատյան, որը թույլ է տալիս հետևել կազմակերպության ֆինանսական գործարքներին: Առավել արդյունավետ դարձնելու համար` հաշվապահները կարող են կազմակերպության ավանդների և ծախսերի տվյալները լրացնել յուրաքանչյուր տողում, որը նման է ավանդական գրանցամատյանին: Տվյալների մուտքագրման այս տարբերակն օգտագործելով հաշվապահները հեշտությամբ կարող են  սանդղակներ և գրաֆիկաներ ստեղծել՝ բիզնես եկամուտն ու ծախսերը համեմատելու համար:

• Արտադրության իրացմանը հետևելու հնարավորություն

MS Excel ծրագիրը հնարավորություն է տալիս հետևել արտադրանքի իրացման գործընթացին: Դա թույլ է տալիս ժամանակին և ճիշտ ծավալով պլանավորել արտադրական և առևտրային գնումների ծավալները, կառավարել պահեստը, կազմել արտադրության նոր խմբաքանակների պլաններ, մի խոսքով` տիրապետել կառավարման ողջ շղթային` սկսած պլանավորումից, վերջացրած վերահսկումով:

• Ներդրումների վերադարձ

MS Excel ծրագիրը նաև թույլ է տալիս ճշգրիտ կերպով հետևել ներդրումների վերադարձին:  Ներդրումների վերադարձին հետևելը գործարար սեփականատիրոջը թույլ է տալիս հստակ պատկերացում կազմել կատարված ներդրման և ստացած շահույթի մասին: Եթե գործարարը հետևում է ամբողջական վաճառքին,ապա կարող է նաև հասկանալ, թե երբ կկարողա ծածկել ծախսերը կամ թե երբ կստանա լրացուցիչ շահույթ:

• Հաճախորդների տվյալներ և CRM

Փոքր բիզնես կազմակերպություններն օգտագործում են MS Excel-ի աղյուսակները իրենց հաճախորդների տվյալները հավաքագրելու համար: Այս տեղեկատվությունը հանդես է գալիս որպես հաճախորդների տվյալների բազա, որով նրանք կարող են կապ հաստատել իրենց հաճախորդների հետ: Այս տեղեկությունը MS Excel աղյուսակում պահելու առավելությունն այն է, որ թեև այն թարմացվում է կամ նոր դաշտեր են ավելացվում, աղյուսակի այլ բջիջներում առկա բովանդակությունը չի փոխվում:

• Մարքեթինգային հետազոտություններ

Այս պարագայում էլ Excel-ը հանդես է գալիս որպես ինֆորմացիան մշակող և որոշումների կայացման համար անհրաժեշտ տեսքի` տվյալների վերածող հզոր միջոց, որի արդյունքում կարելի է կատարել մարքեթինգային կանխատեսումներ, պլանավորում և մարքեթինգային որոշումներ կայացնել: